മാന്തളിര്‍ സെന്റ് തോമസ് യാക്കോബായ പള്ളി കൂദാശയ്ക്ക് ഘോഷയാത്രയോടെ തുടക്കം
പത്തനംതിട്ട/പന്തളം: മാന്തളിര്‍ സെന്റ് തോമസ് യാക്കോബായ സുറിയാനി പള്ളിയുടെ പുതിയ ദേവാലയത്തിന്റെ കൂദാശയ്ക്ക് ഘോഷയാത്രയോടെ തുടക്കമായി. ദീപശിഖ, പതാക, കൊടിമര ഘോഷയാത്രകളാണ് ഞായറാഴ്ച വൈകീട്ട് നടന്നത്. അടൂര്‍ എം.എം.ഡി.എം. ദയറായില്‍ നിന്ന് ദീപശിഖാ ഘോഷയാത്രയും മഞ്ഞനിക്കര ദയറായില്‍ നിന്ന് പാത്രിയാര്‍ക്കാപതാകാ ഘോഷയാത്രയും പുതുവാക്കല്‍ കുരിശടിയില്‍ നിന്ന് കൊടിമരഘോഷയാത്രയും നടന്നു. ജൂലായ് 12ന്, 5 മണിക്ക് പൊതുസമ്മേളനം കേന്ദ്ര സഹമന്ത്രി കെ.വി.തോമസ് ഉദ്ഘാടനം ചെയ്യും. കാതോലിക്ക ആബൂന്‍ മോര്‍ ബസേലിയോസ് തോമസ് പ്രഥമന്‍ ബാവ അധ്യക്ഷത വഹിക്കും. ഇടവക നിര്‍മ്മിച്ചുനല്‍കുന്ന വീടിന്റെ താക്കോല്‍ദാനം പ്രതിപക്ഷ നേതാവ് വി.എസ്.അച്യുതാനന്ദനും സുവനീര്‍ പ്രകാശനം മന്ത്രി കെ.സി.ജോസഫും നിര്‍വഹിക്കും. 6.30 മുതല്‍ കൂദാശയുടെ ഒന്നും രണ്ടും ഘട്ടങ്ങള്‍ നടക്കും.
No comments:
Post a Comment